و أنا كنت أڨول أيام و هتعدي
و السكة ظلمة و آخرها صدمة
لا الخير تجيب ،لا الشر بتودي
ونا كنت أڨول أيام و هتعدي
و الدنيا دي ڨافلة شبابكها
و الزيف شابكها و فكرها مصدي
الحب ذاب في سراب خطاويها
و الصبر طال....و العمر ..بيعدي
ونا كنت أڨول أيام و هتعدي
أنا ليا مين ف غربتي ،،يجبر
خاطري و مين ياخد هنا بيدي
وسنين تفوت شايل ألم جوا
بين الضلوع ..و الجفن ده مندي
ونا كنت أڨول أيام و هتعدي
أصرخ و أڨول بكفاية ،،يا دنيا
أرخي ف حبالي زين و بتشدي
دايسة على حلمي و لا داريا
و لا لاڨي فيك الفرحة ..اتهدي
ونا كنت أڨول أيام و هتعدي
أنا مش هعيش تايه و مش ڨادر
و أسيب هموم لولادي من بعدي
و لو استمر الوضع ده ،،هفضل
واقف لريح الحزن ..متصدي
ونا كنت أڨول أيام و هتعدي
هفضل ألاغيها ما دوب فيها
و أكتب بلاويها ،،ف كتاب عندي
و لا يوم هنخ لها و لا تڨدر
تكسرني حتى لو بڨيت وحدي
ونا كنت أڨول أيام وهتعدي
#سامية_بوطابية
نبطي مصري
0 التعليقات: